Mere aqa ﷺ madine bulalo izn dedo mujhe hazri ka
Dekh lu me bhi roza tumhara kuchh bharosa nahi zindagi ka
Woh madina jo Konain ka taaj hai
Jiska deedar momin ki meraj hai
Zindagi me khuda har Musalman ko
Woh madina dikha to kya baat hai
Pas asbab mere nahi he kis tarah se me aaun madine
koi asbab Ese bana do me bhi paalu sharaf hazri ka
Muddat se mere dil me hai arman e madina
Roze pe bula lijiye sultan e madina
Aate hain Muqaddar ke Sikandar tere dar par
Be izn ho kese koi mehman e madina
Ya Nabi ﷺ mujpe bhi kardo nazre karam
Door kardo mere sare ranjo Alam
Apne dar par bula kar mere mohtaram
Deed apni kara do aye shahe umam
Mujhko Aqa ﷺ madeena dikha do Mera seena madeena bana do
Apni ulfat ka sharbat pila do lutf mujhko mile zindagi ka
Dekhiye meri is bekasi ko mere ashqo ki in khamoshi ko
Aatish e hijr me jal raha hu kya karu me meri bekasi ka
Maal o zar pas mere nahi hain baal o par pas mere nahi hain
Ho karam mujhpe sarkar e Alam he sahara faqat aap hi ka
Mujh gunahgar ko na jhidakna mujhko mehroom Dar se na karna
Ma siwa apke mere Aqa ﷺ kon hai is nafees e hazi ka
